Gigo ma Wanyalo Wacho Kuom Gasede

Ohinga mar Jarito Sept. 15

“Daher winjo paro ma in-go kuom gima Ndikoni wacho. [Som Rapar mar Chik 32:4.] Be isega penjori gimomiyo richo gi chandruok mang’eny opong’o piny ka en adier ni Nyasaye nyalo duto kendo en kare? [Rit dwoko.] Gasedni lero gimomiyo Nyasaye oseweyo richo mondo odhi nyime nyaka e ndalowagi.”

Amkeni! Sept.

“Thothwa gombo bedo gi ngima maber masiko kendo maonge tuoche. Be ineno ni bedo gi paro makare nyalo miyo imed bedo gi ngima maonge tuoche? [Rit dwoko. Kae to isom Ngeche 17:22.] Sulani nyiso gimomiyo bedo gi paro makare kuom ngima en gima ber.” Nyise weche machakore e ite mar 26.

Ohinga mar Jarito Okt. 1

“Be isega wacho e chunyi ni, ‘Ma dine ang’e dine atimo gik moko e yo mopogore!’? [Rit dwoko.] Ne ane gima Ndiko wacho kuom gimomiyo waduto seche moko wang’ado paro mamiyo waywago ang’e bang’e. [Som Yeremia 10:23.] Gasedni lero kaka puonj mayudore ei Muma nyalo konyowa ng’ado paro makare.”

Amkeni! Okt.

“Be iparo ni ngima nyithindo ni kama rach e kindegi maloyo chon? [Rit dwoko.] Thoth ji neno ni wadak e ndalo ma Ndikoni wuoyoe. [Som 2 Timotheo 3:1-5.] Gasedni chiwo paro moko makonyo kuom kaka jonyuol nyalo rito nyithindgi kuom jogo manyalo dwaro nindruok gi nyithindo.”