Nwoyo Puonj mag Skul — Ohinga mar Jarito LAIBRARI E INTANET

Nwoyo Puonj mag Skul

Penjo maluwogi ibiro non e Chokruog Skul mar Tij Nyasaye e juma machakore Oktoba 29, 2007. Jarit-skul biro tayo migawo mar nwoyo penjogi kuom dakika 30, kaluwore gi weche mosepuonjruok e kind juma mar Septemba 3 nyaka Oktoba 29, 2007.

LONY E WUOYO

1. Ang’o momiyo nwoyo weche en yo maber ahinya mar puonjo? [be ite mar 206 par. 1-2, sanduk]

2. Gin yore mage ma wanyalo jiwo godo wach maduong’ manie twak? [be ite mar 210, sanduk]

3. Thuond weche manie twak gin ang’o, to ang’o monego jagol twak oti godo e yierogi? [be ite mar 212 par. 1-3]

4. Ang’o momiyo ok onego wabed gi thuond weche mang’eny ahinya e twak? [be ite mar 213 par. 2-4]

5. Ang’o momiyo dwarore ahinya ni weche ma wachakogo twak omul chuny ji mondo omi gibed gi gombo mar winjo, to ere kaka inyalo tim mano? [be ite mar 215 par. 1; ite mar 216 par. 1-3, sanduk]

TWAK NA. 1

6. Ere kaka Zaburi 119:89, 90 konyowa ng’eyo ni wanyalo geno wach Nyasaye? [w05 4/15 ite mar 15 par. 3]

7. En wach mane ma bug Ezekiel jiwo ahinya, to en ang’o mabiro timore ne jogo masani miyo nying’ Jehova obed maler e ngimagi? [bsi07 ite mar 8 par. 33]

8. “Wach Jehova” nyalo rito chunywa e yo mane? (Zab. 18:30) [w05 9/1 ite mar 30 par. 2]

9. Ere kaka geno mar Pinyruoth en wach ma ijiwo ahinya e bug Daniel duto? [bsi07 ite mar 10 par. 23]

10. Ere kaka bug Hosea jiwo yie marwa e weche mokor kuom much Jehova? [bsi07 ite mar 12 par. 14]

SOMO MAR MUMA JUMA KA JUMA

11. Pimo hekalu ma Ezekiel noneno e fweny ne ochung’ne ang’o, to mano miyo wabedo gi geno mane ndalogi? (Ezek. 40:2-5) [w99 3/1 ite mar 9 par. 6; ite mar 14 par. 7]

12. E fweny ma Ezekiel noneno, “ruodh piny” miwuoyo kuome ochung’ne jo mage? (Ezek. 48:21) [w99 3/1 ite mar 16 par. 13-15; ite mag 22-23 par. 19-20]

13. Tiend wach manie Daniel 2:21 en ang’o? [w98 9/15 ite mar 12 par. 9]

14. Ang’o ma nomiyo Daniel obedo “ng’a moher ahinya” e wang’ Jehova? (Dan. 9:23) [dp ite mar 185 par. 12; w04 8/1 ite mar 12 par. 17]

15. “Ng’eyo Nyasaye” ne onge chutho e piny Israel e yo mane, to ere kaka wechego onego omiwa siem ng’ato ka ng’ato? (Hos. 4:1, 2, 6) [w05 11/15 ite mar 21 par. 21; jd ite mag 57-58 par. 5; ite mar 61 par. 10]