Lendo

◼ Buge milendogo e dwe mar Januar: Inyalo chiw buk moro amora ma nigi ite 192 mondik e kalatas ma kite loko range kata buk moro amora ma ne ogo ka higa mar 1991 podi. Kanyakla ma onge gi bugego nyalo chiwo Ujuzi kata brosua mar Beduru Ka Urito! Februar: Siri ya Kupata Furaha ya Familia kata bug Ujuzi. Mach: Ang’o Ma Muma Puonjo Kuom Adier? Tim kinda mar chako puonjruok gi ji Muma. April kod Mei: Gasede mag Mnara wa Mlinzi kod Amkeni! Tim kinda mar dok limo joma ne orwako wach kendo ma ne obiro e Rapar kod e twak makende to podi ok gisebedo machiegni ahinya gi kanyakla. Gima omiyo wadok limo joma kamago en ni mondo wachak puonjruok Muma gi joma ne pok oyie puonjruok.

◼ Nikech Mach ni gi giko jumbe abich, en kinde maber ahinya mar bedo painia makonyo.

◼ Chakre Februar ma ok okalo tarik 2 Mach, twak manyien mar ji duto ma ibiro gol gi jorit-alwora en “Ere Kama Inyalo Yudoe Kony e Kinde mag Chandruok?”

◼ Kanyakla onego otim chenro madwarore mar timo Rapar ma higani ma nobed chieng’ Ngeso, tarik 22 Mach, bang’ podho chieng’. Kata obedo ni inyalo chak golo twak chon, luoro mkate kod divai ok onego ochaki nyaka bang’ podho chieng’. Nonuru mondo ung’e sama chieng’ podhoe e alworau. Kanyakla ka kanyakla onego otem timo Rapar ma ok giriwore gi kanyakla moro. Kata kamano, mano ok nyalre kinde moko. Kuonde ma kanyakla mokalo achiel tiyo gi Od Romo achiel, moko kuom kanyaklago nyalo manyo kama chielo ma ginyalo timoe Raparno. Kama kanyakla mokalo achiel tiyo gi Od Romo achiel, waneno ni ber ka giweyo dakika 40 ka tin e kindgi, mondo thuolo moromo obedie ma owete gi nyimine bedogo kanyachiel ka gimosore. Onego oket chenro mamiyo thuolo bedoe kuonde miketoe mtokni kata kuonde ma mtokni donjogo ka kelo ji kod kawo ji. Jodong-kanyakla onego one ni chenro mage maber luwo e kanyaklagi.

◼ Jogoro mag kanyakla onego onon kabe gin-gi barup keto jopainia (S-202), mar painia ka painia ei kanyakla. To ka giongego, ginyalo ndiko ne ofis.