Lendo

◼ Buge milendogo e dwe mar Novemba: Ang’o ma Muma Puonjo Kuom Adier? Tim Kinda mar chako puonjruok gi ji Muma. Buk mar Ujuzi bende inyalo chiw mondo ng’ato osom kende owuon. Desemba: Mtu Mkuu Zaidi Aliyepata Kuishi. Ka weg udi nigi nyithindo, chiw buk mar Jifunze Kutoka kwa Mwalimu Mkuu. Januar: Ang’o ma Muma Puonjo Kuom Adier? Kapo ni iyudo ka weg udi nikod bugni, inyalo chiwo buk moro amora ma nigi ite 192 mondik e kalatas ma kite loko range kata buk moro amora ma ne ogo ka higa mar 1991 podi. Februar: Chiw achiel kuom buge maluwogi ka giyudore, Be Ing’eyo Gima Kelo Mor mar Joot?, Biblia—Neno la Mungu au la Binadamu?, kata buk mar Je, Kuna Muumba Anayekujali?

◼ Ijiwo jolendo duto mapok opong’o kad maggi mag durable power of attorney (DPA) kata kad mar mwelekezo wa mapema kuhusu tiba (AMD), mondo otim kamano. Kad mar DPA konyi e rito ratiro ma in-go mar tamruok kik medi remo. Jodong-kanyakla biro chiwo kony madwarore.—Ne kalatas madiere mar Tijwa mar Pinyruoth ma Novemba 2006.

◼ Chakore Januar 1, 2009, ok bi ti gi nying’ mar “jarit matayo kanyakla.” Migawono ibiro luongo ni “jachan bura mar jodongo.”

◼ Onego otim kwan mar higa ka higa mar buge duto kaachiel gi gasede manie kanyakla Desemba 31, 2008, kata odiechienge matin ka tarigno chiegni chopo. Kwan ma itimoni chalo gi ma itimo dwe ka dwe gi jal machano migawo mar kwayo buge, kendo kwan duto moyudi onego opong’ e fom mar Orodha ya Vitabu (S-18). Kwan mag gasede duto onego okaw kuom jal marito gasede. Jagoro mar kanyakla mar jal machano migawo mar kwayo buge onego ochung’ne tij kwenono. Kendo jagorono kaachiel gi jarit matayo kanyaklano onego giket sei margi e fomno. Kanyakla ka kanyakla machano migawo mar kwayo buge biro yudo fom adek mag Orodha ya Vitabu. Oruru fom achiel mondik maler ne ofis kapok okalo Januar 6. Kanuru kopi mar ariyo e fail mag kanyakla. Kopi mar adek unyalo tiyo godo sama ukawo kwan.