Lendo

◼ Buge milendogo e dwe mar Mach: Ang’o ma Muma Puonjo Kuom Adier? Jolendo onego oket e paro chako puonjruok mar Muma gi ji kuonde ma bugni osechiw kata kuonde ma weg udi nigi bugni. April kod Mei: Nochiw gasede mag Ohinga mar Jarito kod Amkeni! Seche ma idok limo joma orwako wach, moriwo nyaka jogo ma jobiro e Rapar kata e chokruoge mamoko mag Joneno to podi ok gisebedo machiegni ahinya gi kanyakla, tim kinda mar chiwonigi bug Ang’o ma Muma Puonjo Kuom Adier? Chenro mari maduong’ onego obed chako puonjruok mar Muma kodgi. Jun: Ang’o ma Muma Puonjo Kuom Adier? Kuonde ma weg udi nigi bugni, jolendo nyalo chiwo bug Lam Nyasaye Makende mar Adier, Ujuzi Uongozao Kwenye Uhai Udumuo Milele, kata brosua mar Nyasaye Dwaro ni Mondo Watim Ang’o?

◼ Bang’ yudo gocho mag Ohinga mar Jarito kod Amkeni!, onego opoggi mapiyo ne jolendo mondo giyud thuolo mar somogi kendo ng’eyo weche manie igi kapok gichako chiwogi e tij lendo.

◼ Ibiro tim Rapar chieng’ Tich Ariyo, Mach 30, 2010. Wende ma ibiro tiyogo e Rapar gin namba 8 kod 109 e bug wer manyien. Ka kanyaklau jotimo chokruok chieng’ Tich Ariyo, onego otim matek mondo otim chokruok e odiechieng’ machielo e jumano. Kapo ni kanyakla mang’eny tiyo gi Od Romo achiel kendo ok nyal tim chokruok e odiechieng’ machielo, chokruogno inyalo we maok otim. Weche manie chenro mar Chokruok mar Tijwa manyalo konyo e kanyaklau inyalo riw e Chokruok mar Tijwa machielo.