Nwoyo Puonj mag Skul

Penjo maluwogi ibiro non e Chokruog Skul mar Tij Nyasaye e juma machakore April 26, 2010. Jarit-Skul biro tayo migawo mar nwoyo penjogi kuom dakika 20, kaluwore gi weche mosepuonjruok e kind juma mar Mach 1 nyaka April 26, 2010.

1. Ang’o ma Naomi ne nyiso kane owacho wechegi kuom Jehova “Ng’a Manyalo duto osechwada”? (Ruth 1:21) [w05-SW 3/1 ite mar 27 par. 1]

2. Gin kido mage ma nomiyo Ruth obedo “nyako makare”? (Ruth 3:11) [w05-SW 3/1 ite mar 28 par. 6]

3. Ere kaka weche ma ne Elkana onyiso jaode ni “an ok aloyoni yawuoi apar koso” nojiwo jaode? (1 Sam. 1:8) [w90-SW 3/15 ite mar 27 par. 5-6]

4. Ang’o momiyo kwayo mar Jo-Israel mondo omigi ruoth ne ok owinjore? (1 Sam. 8:5) [w05-SW 9/15 ite mar 20, par. 17; it-2-E ite mar 163 par. 1]

5. Kata obedo ni Samuel ‘noseti kendo lwar omako wiye,’ ere kaka podi ne en ranyisi maber e lamo ne jomoko, to mano nyiso ang’o? (1 Sam. 12:2, 23) [w07-SW 6/1 ite mar 29 par. 14-15]

6. Ang’o momiyo Saulo ne odewo Jo-Keni e yo makende? (1 Sam. 15:6) [w05-SW 3/15 ite mar 22 par. 10]

7. Ang’o momiyo Saulo nopenjo Daudi ni, “In wuod ng’a, in?” (1 Sam. 17:58) [w07-SW 8/1 ite mar 31 par. 3, 5]

8. En ang’o mwanyalo puonjore kuom yo ma Daudi noloyogo chandruok moro maduong’ ma noyudo e piny Gath? (1 Sam. 21:12, 13) [w05-SW 3/15 ite mar 24 par. 4]

9. Ere kaka hera kod bolruok ma Jonathan ne nigo nonenore e kinde ma ne dwarore ni ojiw Daudi osiepne? (1 Sam. 23:17) [lv ite mar 28 par. 10, ftn.]

10. Ang’o mwapuonjore kuom tim Saulo mar dhi ir ajuoga ma Endor? (1 Sam. 28:8-19) [w05-SW 3/15 ite mar 24 par. 7]