Dwarore ni Jokristo Olem
1. Ang’o madwarore mondo wachop tijwa mar lendo?
1 Ok wanyal chopo tij lendo kuom tekowa wawegi. Jehova ema miyowa teko mar timo tijni. (Fili. 4:13) Otiyo gi malaikene mondo okonywa e fwenyo jogo ma nigi kido kaka mag rombe. (Fwe. 14:6, 7) Jehova ema miyo kodhi mag wach mar adier ma wapidho kendo olone pi dongo. (1 Kor. 3:6, 9) Mano kaka en wach maduong’ ka Jakristo keto genone kuom Wuonwa me polo kolame!
2. Weche mage ma wanyalo lamo kuomgi?
2 Lamo ne Wan Wawegi: Onego walem kinde ka kinde ma walendo. (Efe. 6:18) Moko kuom gik monego walam kuomgi gin mage? Wanyalo lemo mondo wabed gi paro mowinjore kuom alworawa mar lendo kendo mondo wayud chir. (Tich 4:29) Wanyalo kwayo Jehova mondo okonywa fwenyo jogo ma chunygi oikore ma wanyalo puonjorego Muma. Ka wuon ot openjowa penjo, wanyalo lamo e yo machuok gi chunywa kwakwayo Jehova mondo okonywa wachiw dwoko mowinjore. (Neh. 2:4) Bende wanyalo kwayo mondo wayud rieko mar keto tij lendo obed gima kwongo e ngimawa. (Jak. 1:5) E wi mano, Jehova mor kowinjo weche mag erokamano manyiso ni wakawo mapek thuolo makende ma wan-go kaka jotichne.—Kol. 3:15.
3. Ere kaka lamo ne jomoko konyo e tij lendo?
3 Lamo ne Jomoko: Onego bende ‘walem ng’ato ni ng’ato,’ ka wahulo nying Jokristo wetewa e lamogo e kinde mowinjore. (Jak. 5:16; Tich 12:5) Dibed ni midekre moni lendo e okang’ midwaro? Kara lem ne Jokristo weteni ma tuwo ok chand ahinya. Kik icha teko ma lamo mari nyalo bedogo kuomgi! Bende onego walem ni jotelo mag piny mondo obed gi paro mowinjore kuom tijwa mar lendo, mondo owetewa ‘odag e ngima mokuwe kendo moboch.’—1 Tim. 2:1, 2.
4. Ang’o momiyo onego wadhi nyime kwaketre e lamo?
4 Lando wach maber e piny duto en tich maduong’ ahinya. Ka wadhi nyime ‘kwaketre kuom lamo,’ wabiro chopo tijni kuom teko ma Jehova chiwo.—Rumi 12:12.