Lendo

◼ Buge milendogo e dweche mag April kod Mei: Nochiw gasede mag Ohinga mar Jarito kod Amkeni! Kuonde ma ji orwakoe wach, chiw trakt mar Bende Diher Ng’eyo Adiera? kendo itim kinda mar chako puonjruok mar Muma gi ji. Seche ma idok limo joma orwako wach, moriwo nyaka jogo ma nobiro e Rapar kata e chokruoge mamoko to podi ok gisebedo machiegni ahinya gi kanyakla, tim kinda mar chako kodgi puonjruok mar Muma kitiyo gi bug Muma Puonjo. Jun: Ang’o ma Muma Puonjo Kuom Adier? Tim kinda mar chako puonjruok mar Muma gi ji e limbe mokwongo. Ka weg udi nigi bugni to ok girwako puonjruok mar Muma, jolendo nyalo chiwo bug Ujuzi kata brosua mar Nyasaye Dwaro kata Beduru ka Urito! Julai kod Agost: Inyalo chiw moro amora kuom brosua maluwogi ma nigi ite 32 manyalo moro ji e alworau. Bende Iseyudo Yoo Madhi e Ngima Mochwere?, Ka Ng’at Mihero Otho, Loch Mabiro Kelo Paradis, Mor e Ngima e Piny Nyakachieng’!, Nyasaye Dwaro ni Mondo Watim Ang’o?, Roho mag Jo Motho​—Ginyalo Konyi Koso Ginyalo Hinyi? To Bende Gintie?, Je! Kweli Mungu Anatujali?, Jina la Mungu Litakaloendelea Milele, Kitabu kwa Ajili ya Watu Wote, Ni Nini Hutupata Tunapokufa?, Uhai​—Ulitokana na Muumba?, Lasting Peace and Happiness​—How to Find them, Our Problems​—Who Will Help Us Solve Them?

◼ Kanyakla duto onego oti gi Ngeso mokwongo dwe ka dwe e chako puonjruok mar Muma gi ji chakre dwe mar Mei. Sula mabiro bedo ka yudore e Ohinga mar Jarito mawacho ni “Puonjri Kuom Wach Nyasaye” ogo mondo okony jolendo timo mano. Ite mogik mar Tijwa mar Pinyruoth biro nyiso yore mwanyalo tiyogo e dwe maluwo, moriwo nyaka paro mwanyalo tiyogo e chako puonjruok mar Muma gi ji e Ngeso mokwongo e dwe.