Lendo

◼ Buge milendogo e dwe mar Septemba: Ang’o ma Muma Puonjo Kuom Adier? Tim kinda mar chako puonjruok mar Muma gi ji e limbe mokwongo. Ka weg udi nigi bugni to ok girwako puonjruok mar Muma, jolendo nyalo chiwo moro amora kuom gasede machon kata brosua ma jogo diher somo. Oktoba: Gasede mag Ohinga mar Jarito kod Amkeni! Kuonde ma ji orwakoe wach, inyalo chiwo trakt mar Bende Diher Ng’eyo Adiera? kendo itim kinda mar chako puonjruok mar Muma. Novemba: Biblia—Ina Ujumbe Gani? Kanyakla nyalo yiero chiwo brosua moro amora machielo ma nigi ite 32 monyis e buge milendogo e dwe mar Agost 2011 e wi brosuani kata kar brosuani. Desemba: Yule Mtu Mkuu Zaidi Aliyepata Kuishi. Ka weg udi nigi nyithindo, chiw bug Buga Moting’o Sigendini mag Muma kata Jifunze Kutoka kwa Mwalimu Mkuu.

◼ Twak makende mar ji duto mar kinde Rapar ma 2012 nogol e juma mar April 2. Wi twagno ibiro land bang’e. Onge kanyakla monego ogol ne twak makendeno kapok otim Rapar.

◼ Jolendo mabiro bedo jopainia makonyo e dwe mar Mach e higa mar 2012 nobed gi thuolo mar yiero ka gidwaro lendo kuom seche 30 kata 50 e dweno. E wi mano, kapo ni jarit-alwora limo kanyakla moro e dwe mar Mach, jolendo duto ma gin jopainia makonyo, bedni gilendo kuom seche 30 kata 50, biro yudo thuolo mar bedo e romo duto ma jarit-alwora timo gi jopainia mapile.

◼ Chakre Septemba, jorit-alwora biro golo twak mar ji duto ma wiye wacho ni “Riwri gi Joma Mor Matiyo ne Nyasaye.”