Lendo

◼ Buge milendogo e dwe mar Januar: Ang’o ma Muma Puonjo Kuom Adier? Tim kinda mar chako puonjruok mar Muma gi ji e limbe mokwongo. Ka weg udi nigi bugni to ok girwako puonjruok mar Muma, jolendo nyalo chiwo moro amora kuom gasede machon kata brosua ma jogo diher somo. Februar: Jolendo nyalo chiwo achiel kuom buge maluwogi: Be Ing’eyo Gima Kelo Mor mar Joot?, Biblia—Neno la Mungu au la Binadamu?, kod Je, Kuna Muumba Anayekujali? Mach: Ang’o ma Muma Puonjo Kuom Adier? Tim kinda mar chako puonjruok mag Muma gi ji e limbe mokwongo. Ka weg udi nigi bugni to ok girwako puonjruok mar Muma, jolendo nyalo chiwo moro amora kuom gasede machon kata brosua ma jogo diher somo. April kod Mei: Gasede mag Mnara wa Mlinzi kod Amkeni! Kuonde ma ji orwakoe wach, inyalo chiwo trakt mar Bende Diher Ng’eyo Adiera? kendo itim kinda mar chako puonjruok mar Muma kodgi. Seche ma idok limo jogo ma jobiro e Rapar kata e chokruoge mamoko mag Joneno to pod ok gisebedo machiegni ahinya gi kanyakla, tim kinda mar chako puonjruok mar Muma kodgi kitiyo gi bug Muma Puonjo.

◼ Chakre Februar, twak manyien mar ji duto ma ibiro gol gi jorit-alwora en “Be Iketo Geno Mari Kuom Jehova?”

◼ Chakre gi Ohinga mar Jarito ma Februar 1, 2012, gocho mar ji duto biro bedo gi sula mawacho ni, “Gik ma Apuonjora e Muma.” Nikech olose ne jonyuol man gi nyithindo ma johigini adek ka dok chien, kinde ka kinde obiro bedo ka owilore gi sula mawacho ni “Puonj Nyithindi” kod “Ne Rowere.”