Vidio mar Maajabu ya Uumbaji Yanafunua Utukufu wa Mungu

Ji mang’eny ohero neno chwech. Kata kamano, ji manok ahinya ema ong’eyo ni chwech nyalo konyogi neno kido kod paro mag Jachwechwa Maduong’. (Rumi 1:20) Chon gilala, Daudi nopuonjore kuom Jehova kokalo kuom Wachne mokudh gi rohone. Kata kamano, bende ‘noneno’ Jehova kendo nosudo machiegni kode kokalo kuom chwech. (Zab. 8:3, 4, NW) Vidio miluongo ni Maajabu ya Uumbaji Yanafunua Utukufu wa Mungu konyowa kaachiel gi nyithindwa kod jopuonjrewa mag Muma nono moko kuom chwech mag Jehova, kendo neno kido mag Jachwechwa Maduong’ mondo gikone wasud machiegni kode. Bang’ neno vidiono, tem ane kinyalo dwoko penjo maluwogi.

(1) Ere kaka lach mar kor lwasi kaachiel gi kaka ochane konyi ng’eyo Jehova e yo matut? (Isa. 40:26) (2) Ka wanono pi mos, ang’o ma wapuonjore kuom Jalo ma nochweye? (Fwe. 14:7) (3) Ere kaka duong’ mar piny kod bor man e kinde gi chieng’ nyiso rieko mar Jehova? (4) Tij dwe en ang’o? (Zab. 89:37) (5) Ere kaka Jehova ochweyo dhano e yo mamiyo gibedo mamor gi ngima? (6) DNA en ang’o? (Zab. 139:16) (7) Ere kaka dhano opogore ahinya gi chwech mamoko duto mag Jehova manie piny? (Chak. 1:26) (8) Ang’o ma in igeno neno e piny manyien?

Kare mar Mambo ya Ziada: (9) Rangi ma waneno kuom gik mochwe a kanye? (10) Ere kaka pi idho nyaka e wi yien malo? (11) Tij pi en ang’o e dendwa? (12) Chiw ranyisi malero winjruok manie kind gik mangima mopogore opogore. (13) Ang’o makonyo chwech mopogore opogore ng’eyo jowadgi monego giwinjrego? (14) “Pembe bora” en ang’o, to ere kaka onenore kuom chwech?

‘Non’ Chwech mag Jehova: Yesu nojiwowa mondo ‘wanon winy me polo’ kendo wayud puonj kuom “ondanyo mag thim.” (Math. 6:26, 28) Ka watimo kamano, yiewa biro medo bedo motegno, wabiro medo geno kuom Jachwech, kendo wabiro medo bedo gadier chuth ni Jehova nigi rieko, hera, kod teko mar reso joge. Kar galo pachi gi tije mag dhano, many thuolo mondo ine gik miwuoro ma Jehova ochweyo, kendo item neno puonj ma gigo miyowa kuom Nyasachwa.—Zab. 19:1.