Lendo

◼ Buge milendogo e dweche mag Septemba kod Oktoba: Gasede mag Ohinga mar Jarito kod Amkeni! Sama idok timo limbe, tem tiyo gi bug Muma Puonjo, to kaluwore gi chal mar jal mitimone limbe, inyalo chiwo achiel kuom brosua mag Winj Nyasaye kata Winj Nyasaye Mondo Idag Nyakachieng’, kendo item chako puonjruok mar Muma. Novemba kod Desemba: Jolendo nyalo chiwo achiel kuom trakt maluwogi: Bende In gi Roho Maok Nyal Tho?, Chandruok Duto Chiegni Rumo!, Joneno mag Jehova Oyie Gang’o?, Ngima e Piny Manyien Mokuwe, Nitie Geno Mane ni Joherawa Mosetho?, Je! Ulimwengu Huu Utaokoka?, kod Yehova—Yeye Ni Nani? Ka wuon ot orwako wach, nyise kaka itimo puonjruok mar Muma kitiyo gi bug Muma Puonjo kata achiel kuom brosua mag Winj Nyasaye kata Winj Nyasaye Mondo Idag Nyakachieng’.

◼ Twak makende mar ji duto mar kinde Rapar ma 2013 ibiro gol e juma machakore April 1. Wi twagno ibiro land bang’e. Kanyakla ma nigi limbe mar jarit-alwora kata chokruok mar alwora e giko jumano biro bedo gi twagno e juma maluwo. Onge kanyakla monego ogol twak makendeno kapok April 1 ochopo.