Vidio mar Young People Ask​—How Can I Make Real Friends?

Jehova nochweyo dhano gi nyalo mar bedo gi winjruok e kindgi kendo loso osiepe. (Nge. 17:17; 18:⁠1, 24) Mondo winjruok ma kamano okelnwa ber, nyaka wati gi rieko sama wayiero osiepewa. (Nge. 13:20) Bang’ neno vidio mar Young People Ask​—How Can I Make Real Friends?, tem ane dwoko penjo maluwogi:

Weche Michakogo:

(1) Osiep madier en ng’ama chalo nade?

Kare mar Roadblocks to Friendship (Pek ma Waromogo Sama Watemo Loso Osiep):

(2) Ang’o ma wanyalo timo ka waparo ni jowetewa ok dwar mako osiep kodwa? (Fili. 2:4)(3) Ang’o momiyo onego waikre loko kitwa, to ng’a gini ma nyalo konyowa? (2 Kor. 13:11)(4) Ang’o ma wanyalo timo mondo wayud osiepe momedore?​—2 Kor. 6:13.

Kare mar Friendship With God (Mako Osiep gi Nyasaye):

(5) Ere kaka wanyalo mako osiep gi Jehova, to mano nyalo kelonwa ber mage? (Zab. 34:8) (6) Mako osiep gi Jehova biro miyo wabed gi osiepe mage mabeyo?

Kare mar The Wrong Kind of Friends (Osiepe Maricho):

(7) Osiepe maricho gin joma chalo nade? (1 Kor.15:33)(8) Ere kaka bedo gi osiepe maricho nyalo miyo waketh winjruokwa gi Jehova?

Kare mar A Modern-Day Drama:

(9) Sigand Dina e Muma puonjowa ang’o? (Chak. 34:⁠1, 2, 7, 19) (10) Gin yore mage ma Tara notiyogo e temo nyiso ni ne onge rach komako osiep gi rowere maok Joneno? (11) Osiepe Tara me skul nodwa hinye nade? (12) Ang’o momiyo jonyuol Tara ne ok ne chandruokne, to ne gibedo gi paro mane sama ne gitemo konyo nyargi bang’ fwenyo chandruokne?(13)Ere kaka nyaminwa moro ma painia nonyiso ni ne en osiep Tara gadier? (14) Ang’o ma Tara noduogo oneno e yo mowinjore bang’e?

Weche Mitiekogo:

(15) Ang’o mipuonjori bang’ neno vidioni? (16) Ere kaka inyalo tiyo gi vidioni e konyo jomamoko?

Wang’aduru mar yiero osiepe mabiro konyowa rito winjruok manie kindwa gi Nyasaye, ma e osiepwa maduong’ moloyo osiepe duto!​—⁠Zab. 15:​1, 4; Isa. 41:8.