Nwoyo Puonj mag Skul

Penjo maluwogi ibiro non e Skul mar Tij Nyasaye e juma machakore Desemba 31, 2012. Oket tarik mibiro wuoye moro ka moro kuom penjogi mondo okonyi e timo nonro seche mitimo ikruok ne skul juma ka juma.

1. Weche ma nokor e Joel 2:1-10, 28 kuom monj mitimo gi det bonyo osechopo nade? [Nov. 5, w07-SW 10/1 ite mar 13 par. 1]

2. Ndiko mar Amos 8:11 chopo kuom jomage, to onego wapenjre penjo mane kata obedo ni wan to wayudo chiemb chuny modhuro? [Nov. 12, jd-SW ite mag 60-61 par. 9]

3. Ang’o manyalo bedo ni nomiyo Jo-Edom onyiso sunga e chunygi, to wach mane ma wiwa ok onego owilgo? (Obad. 3, 4) [Nov. 19, w07-SW 11/1 ite mar 13 par. 6]

4. Ere kaka chuny Jehova nolor kata ywago ang’e kuom masira ma noseng’ado ni nodhi kelo ne Jo-Nineve? (Jona 3:8, 10) [Nov. 19, w07-SW 11/1 ite mar 14 par. 13]

5. Ere kaka wuotho kuom nying Nyasaye tego winjruokwa kode? (Mika 4:5) [Nov. 26, jd-SW ite mar 88 par. 12]

6. Bedo ni weche ma nokor e Nahum 2:6-10 nochopo kare miyo wabedo gadier kuom ang’o? [Des. 3, w07-SW 11/15 ite mar 9 par. 2; w88-E 2/15 ite mar 28 par. 7]

7. Tiend Haggai 1:6 en ang’o, to puonj mane maduong’ mwayudo e ndikono? [Des. 10, w06-SW 4/15 ite mar 22 par. 12-15]

8. Ere kaka wanyalo tiyo gi puonj mayudore e Zekaria 7:10 mawacho ni ok onego ‘wapar jowetewa e yo marach’ e chunywa? [Des. 17, jd-SW ite mar 113 par. 6; w07-SW 12/1 ite mar 11 par. 3]

9. Ang’o momiyo weche mayudore e Zekaria 4:⁠6, 7 hoyo chuny jotich Jehova e ndalowagi? [Des. 17, w07-SW 12/1 ite mar 10 par. 11]

10. Kaluwore gi Malaki 3:16, ang’o momiyo onego wadhi nyime ka wamako matek tim makare e nyim Nyasaye? [Des. 31, w07-SW 12/15 ite mar 29 par. 3]