Lendo

◼ Buge milendogo e dweche mag Mach kod April: Gasede mag Ohinga mar Jarito kod Amkeni! Sama idok timo limbe, tem tiyo gi bug Muma Puonjo, to kaluwore gi chal mar jal mitimone limbe, inyalo chiwo achiel kuom brosua mag Winj Nyasaye kata Winj Nyasaye Mondo Idag Nyakachieng’, kendo item chako puonjruok mar Muma. Mei kod Jun: Jolendo nyalo chiwo achiel kuom trakt maluwogi: Bende In gi Roho Maok Nyal Tho?, Chandruok Duto Chiegni Rumo!, Joneno mag Jehova Oyie Gang’o?, Ngima e Piny Manyien Mokuwe, Nitie Geno Mane ni Joherawa Mosetho?, Je! Ulimwengu Huu Utaokoka?, kod Yehova​—⁠Yeye Ni Nani? Ka wuon ot orwako wach, nyise kaka itimo puonjruok mar Muma kitiyo gi bug Muma Puonjo kata achiel kuom brosua mag Winj Nyasaye kata Winj Nyasaye Mondo Idag Nyakachieng’.

◼ Ibiro tim Rapar chieng’ Tich Ariyo, Mach 26, 2013. Ka kanyaklau timoga chokruok e odiechiengno, onego utim chenro mondo utim chokruogego chieng’ machielo e jumano kapo ni Od Romo biro bedo thuolo. Kapo ni timo Chokruok mar Tijwa ok nyalre e jumano, jachan buch jodongo nyalo timo chenro mondo migepe ma nigi weche ma mulo kanyaklau e jumano, owuoye e juma machielo e dweno. Kapo ni kanyaklau nigi limbe mar jarit-alwora e jumb Raparno, onego utim chokruok ma itimoga Tich Ariyo chieng’ machielo e jumano.