Ti Maber gi Odiechienge mag Yueyo

Nikech ji mang’eny yudorega e utegi e odiechienge yueyo mag sirkal kata mag dinde, mago gin thuolo maber ahinya mag lendo. Ijiwo kanyakla duto mondo otim chenro makende mar lendo e odiechienge yueyogo. Ka e alworau ji mang’eny chiewoga modeko e odiechienge kaka mago, nyalo bedo maber ka uloko sa ma uchakoe lendo. E Chokruok mar Tijwa, unyalo lando ne kanyakla kapo ni nitie chenro ma osetim mar lendo e odiechienge yueyo kendo jiwo ji duto ma nyalo mondo oriw chenrono lwedo. En adier ni wan bende dwaher yueyo e odiechienge kaka mago kata loyo dijewa moko; kata kamano, donge nyalo bedo maber ka waketo thuolo moro matin tenge mar lendo e odiechengego? Ka watimo mano, wabiro bedo gi chuny mokuwe nikech tiyo gi thuolowa e yo maberie moloyo.—Math. 11:29, 30.