Lendo

◼ Buge milendogo e dwe mar Jun: Ang’o ma Muma Puonjo Kuom Adier? kata trakt maluwogi: Bende Diher Ng’eyo Adiera?, Chandruok Duto Chiegni Rumo!, Ngima e Piny Manyien Mokuwe, kata Yehova—Yeye Ni Nani? Tem chako puonjruok mar Muma gi ji. Julai: Brosua mar Wach Maber Mowuok Kuom Nyasaye! kata brosua moro amora kuom maluwogi: Inyalo Bedo Osiep Nyasaye!, Winj Nyasaye, kod Winj Nyasaye Mondo Idag Nyakachieng’. Agost: Wabiro pogo trakt manyien ma ilandogo Websaitwa mar jw.org. E alwora maok nyal tiye gi traktno, inyalo chiw brosua mar Wach Maber Mowuok Kuom Nyasaye! kata brosua moro amora kuom maluwogi: Inyalo Bedo Osiep Nyasaye!, Winj Nyasaye, kod Winj Nyasaye Mondo Idag Nyakachieng’. Septemba gi Oktoba: Gasede mag Ohinga mar Jarito gi Amkeni!

◼ Kochakore gi Skunde mag Jopainia mibiro tim kochomo giko higa 2014 mar tijwa, skundego koro biro kawo ndalo auchiel kende, chakre Wuok Tich nyaka Ngeso.

◼ Onego utim lokruok moko e chenro mar Chokruok mar Tijwa mibiro tim juma achiel kapok chokruog-distrikt ochakore mondo ukalie weche ma ne owuoye e kalatas ma iye mayudore e Tijwa mar Pinyruoth ma dweni kod barua ma Agost 3, 2013 ma ne ondik ne kanyakla duto, ma ne wuoyo kuom yore mag geng’o hinyguok sama wan e chokruogewa. Dwe achiel kata ariyo bang’ chokruogu mar distrikt, unyalo tiyo gi migawo mar weche mag kanyakla mondo uwuo kuom puonj ma jolendo ne oyudo e chokruog-distrikt ma osekonyogi bedo gi nyak e tij lendo.