Ayub Norito Tim Makare e Bwo Tem

Ayub nodak e piny Uz e kinde ma Jo-Israel ne gin wasumbni e piny Misri. Ayub ne en jatich Jehova kata obedo ni ne ok en Ja-Israel. Ne en gi dhako, nyithindo apar, mwandu mathoth, kendo jogweng’ ne winje ahinya. Ji nohero paro ma ne ochiwo kendo ne ok odew wang’ ng’ato sama ong’ado bura. Ne okonyoga joma odhier. Ayub ne en ng’at makare.

1:8-11, 22; 2:2-5

Ayub nonyiso maler ni Jehova e Ng’at maduong’ie mogik e ngimane

• Satan noneno kaka Ayub ne rito tim makare, kendo Satan ne ok okwedo ni Ayub ne luwo chike Jehova, kata kamano, nowacho ni Ayub ok ti ne Jehova nono

• Satan nowacho ni Ayub ne tiyo ne Jehova mana nikech gik ma Jehova osemiye

• Jehova noweyo mondo Satan otem Ayub mondo onyis maler ni Satan nowacho miriambo. Satan nokelo ne Ayub masiche mang’eny

• Ka ne Ayub orito timne makare, Satan noketo kiawa kabe dhano nyalo rito tim makare

• Ayub ne ok otimo richo kata keto ketho kuom Nyasaye