Ng’ano ma Nodag ka Wendo e Tabanakel mar Jehova?

Bedo wendo e tabanakel mar Jehova nyiso ni ng’ato en osiep Jehova, en ng’at ma ogene kendo ma rito chikene. Zaburi sula mar 15 lero gik ma ng’ato nyaka tim kodwaro bedo osiep Jehova.

OSIEP JEHOVA NYAKA . . .

• makre gi tim makare

• wach adiera kowuok e chunye

• mi jotich Jehova wetene luor

• luw chike Jehova kata mana e kinde ma timo kamano nyalo bedo matek

• kony joma ochando ma ok ogen ni gibiro chule

OSIEP JEHOVA NYAKA TANG’ GI . . .

• kuoth kod ketho nying jomoko

• timo gik ma ok owinjore ne jirande

• tiyo gi Jokristo wetene e yo ma ok owinjore

• mako osiep gi joma ok lam Jehova

• kawo asoya