Yesu Notho ne Owadu Bende

Yesu nochiwo ngimane ne dhano ma joricho. (Rum 5:8) Onge kiawa ni wamor ni Yesu nonyiso hera ka nochiwonwa ngimane. Kata kamano, kinde ka kinde onego wapar bende ni Yesu ne otho ne owetewa bende. Ere kaka wanyalo nyiso hera mar Jokristo ne owetewa gi nyiminewa ma joricho kaka wan? Ne ane yore adek. Mokwongo, wanyalo bedo osiepe joma opon kuonde mopogore opogore. (Rum 15:7; 2Kor 6:12, 13) Mar ariyo, watem matek mondo kik wawach kata timo gik manyalo chwanyo jomoko. (Rum 14:13-15) Mogik, ka ng’ato ochwanyowa, kinde duto wabed moikore ng’wonone. (Luk 17:3, 4; 23:34) Ka watemo kar nyalowa mondo waluw ranyisi mar Yesu e yoregi, Jehova biro dhi nyime guedho kanyaklawa kendo wabiro bedo gi kuwe kod winjruok.

NEURU VIDIO MAR MED BEDO JACHIA! KAE TO UDWOK PENJO MALUWOGI:

• 

  Motelo, Miki ne neno nade kanyakla ma nodhiye?

• 

  Ang’o ma nomiyo ochako bedo gi paro mopogore?

• 

  Ere kaka ranyisi mar Yesu nokonyo Miki bedo gi paro makare? (Mar 14:38)

• 

  Ere kaka Ngeche 19:11 nyalo konyowa bedo gi paro makare e wi Jokristo wetewa?