Bed Gadier ni Jehova Oheri gi Hera Mosiko

Jehova neni kaka ng’at ma nengone duong’. (Isa 43:4) Oseywayi ire kendo e riwruok mar ogandane. Nikech ne isingori ni ibiro tiyone ma obatisi, in mar Jehova. Obiro riti kaka mwandune makende kata mana e kinde ma weche tek. Obiro nyisi hera mosiko kokalo kuom riwruok mar ogandane.​—Za 25:10.

Wanyalo medo goyo ne Jehova erokamano kuom nyisowa herane mosiko sama wanono kaka riwruok mar ogandane osebedo ka konyowa sama wayudo masiche to ahinya ahinya e kinde matin mosekalo.

NEURU VIDIO MA WIYE WACHO NI, RIPOT MA 2019 MAR KOMITI MAR JOCHENO, KAE TO UDWOK PENJO MA LUWOGI:

• 

  Ere kaka Komiti mar Jocheno oseiko ofise mopogore opogore e piny mangima mondo ging’e gima ginyalo timo sama masira otimore?

• 

  Ere kaka riwruok mar oganda Jehova notayo owete man Indonesia kod Nigeria kendo chiwo kony e kinde ma ne giyudo masiche?

• 

  Ang’o ma osemori gi kaka riwruok mar oganda Jehova tayo joge e kinde tuo mar COVID-19?