Un Rowere​—Yawuru Chunyu ne Jonyuolu

Ang’o momiyo onego inyis jonyuolni gik miparo? (Nge 23:26) Mano en nikech Jehova omiyogi ting’ mar riti kendo tayi. (Za 127:3, 4) Nyalo bedonegi matek mondo gikonyi ka ok idwar nyisogi gik ma chandi. Bende, mano biro moni sumo rieko ma gisebedogo e ngimagi. Be en gima rach weyo ma ok iwacho weche moko? Mano ok rach, kata kamano ok onego itim kamano mana nikech idwa wuondo jonyuolni.​—Za 3:3.

Inyalo wuoyo gi jonyuolni e yo mane? Tem mondo iyier sa maber kodu uduto. Ka mano tekni, inyalo ndikone achiel kuomgi barua kinyisogigo gik ma chandi. To nade ka gidwaro wuoyo e wi wach moro ma ok diher wuoye? Ng’eni gidwaro konyi. Ne jonyuolni kaka osiepeni to ok kaka jowasiki. Kinda mitimo mondo ibed thuolo wuoyo gi jonyuolni biro keloni ber e ngimani duto kendo nyaka chieng’!​—Nge 4:10-12.

NEURU VIDIO MA WIYE WACHO NI, NGIMANA KA NE AN RAWERA​—ANYALO WUOYO GI JONYUOLNA E YO MANE? KAE TO UDWOK PENJO MA LUWOGI:

• 

  Ang’o ma Esther gi Partik nofwenyo kuomgi giwegi?

• 

  Ranyisi mar Yesu puonji ang’o?

• 

  Ere kaka jonyuolni osenyiso ni gidewi?

• 

  Gin puonj mage manie Muma ma nyalo konyi mondo iwuo gi jonyuolni?