Be Ineno Kaka Jehova Dwoko Lamogi?

Muma nigi ranyisi mang’eny mag lamo ma Jehova ne odwoko. Ka ne jotich Jehova oneno kaka Jehova ne owinjo lamogi kendo odwokogi, onge kiawa ni mano notego yiegi. Kuom mano, ber mondo wanyis Jehova gima wadwaro achiel kachiel sama walemo, kendo watem ng’iyo yore ma odwokogo lamowa. Waket e paro ni onyalo dwokowa e yo mopogore gi kaka ne waparo kata miyowa gik mang’eny moloyo ma ne wakwaye. (2Ko 12:7-9; Ef 3:20) Gin yore mage ma Jehova nyalo tiyogo e dwoko lamowa?

• Onyalo miyowa gige ringruok, chuny mokuwe, kata konyowa gi teko mondo wanyagre gi pek ma wakalee.​—Fil 4:13

• Obiro miyowa rieko ma konyowa timo yiero maber.​—Jak 1:5

• Obiro miyowa teko kod gombo mar timo gimoro.​—Fil 2:13

• Obiro konyowa mondo wabed gi chuny mokuwe sama wan-gi parruok.​—Fil 4:6, 7

• Onyalo tiyo gi jomoko mondo okonywa gi gige ringruok, gihowa, kendo gijiwwa.​—1Jo 3:17, 18

• Obiro konyo joma walemonegi.​—Tic 12:5, 11

NEURU VIDIO MA WIYE WACHO NI JEHOVA E “JAWINJ LAMO” KAE TO UDWOK PENJO MA LUWOGI:

• Ere kaka ranyisi mar Owadwa Shimizu nyalo jiwowa sama ok wanyal timo gik ma ne watimo chon nikech midekre?

• Ere kaka wanyalo luwo ranyisi mar Owadwa Shimizu?