NGIMAWA KAKA JOKRISTO
Teg Yieni Kuom Wach Nyasaye
Wach Nyasaye nyalo loko ngimawa. (Hib 4:12) Kata kamano, mondo okonywa, otawa, kendo wayud puonj manie iye, nyaka wabed gadier ni en “wach Nyasaye.” (1Th 2:13) Ere kaka wanyalo tego yiewa kuom Muma?
Som Muma pile ka pile. Sama isome, tem nono gik ma nyiso ni en buk mowuok kuom Jehova. Kuom ranyisi, non ane kaka rieko ma yudore e bug Ngeche nyalo konyo e kindewagi.—Nge 13:20; 14:30.
Puonjri wach moro e yo matut. Ng’e maber gik ma nyiso ni Muma nokudh gi much Nyasaye. E Buk Makonyo Joneno mag Jehova e Timo Nonro, ng’i wich ma wacho ni “Muma” kae to idhi e “Owuok Kuom Much Nyasaye.” Bende inyalo bedo gadier ni weche manie Muma pok olok ka inono weche ma yudore e Apendix A3 e Muma mar Loko mar Piny Manyien.
NEURU VIDIO MA WIYE WACHO NI GIMOMIYO WAYIE . . . KUOM WACH NYASAYE, KAE TO UDWOK PENJO MA LUWOGI:
Ere kaka weche manie kor ohinga mar hekalu man Karnak e piny Misri nyiso ni Muma wacho adier?
Wang’eyo nade ni wach maduong’ ma Muma wuoye pok olokore?
Ere kaka yo ma Muma osetonygo miyo ibedo gadier ni en Wach Nyasaye?—Som Isaya 40:8