Nyasaye Dewi
MUMA e buk maberie mogik ma nyalo tayowa. Kata obedo ni ok en buk ma wuoyo kuom thieth, onyalo konyowa nyagore maber gi pek ma wakaloe, parruok mang’eny ma chocho pachwa, gik ma nyoso chunywa, kod gik ma nyalo kelonwa tuoche, moriwo nyaka tuoche mag paro.
Moloyo duto, Muma nyisowa ni Jehova Nyasayea ma en Jachuechwa ong’eyo kaka waparo kod kaka wawinjo e chunywa moloyo ng’ato ang’ata. Ogombo ahinya konyowa nyagore gi pek moro amora ma wakaloe. Kuom ranyisi, ne ane ndiko moko ariyo e Muma ma hoyowa ahinya:
“Jehova ni machiegni gi jo ma chunygi onyosore, kendo oreso jo ma chunygi ool.”—ZABURI 34:18.
“An Jehova Nyasachi, amako lweti ma korachwich, an e ma awachoni niya, ‘Kik iluor. Abiro konyi.’” —ISAYA 41:13.
Kata kamano, ere kaka Jehova konyowa mondo wanyagre maber gi tuoche mag paro? Mana kaka ibiro neno e sula ma luwogi, Jehova nyiso e yore mang’eny ni odewowa ahinya.
a Jehova en nying Nyasaye.—Zaburi 83:18.