Dichwo moro ma rawera ochung’ e chuny ndara modich. Ji moa e ogendni mopogore opogore kalo bathe koni gi koni. Ong’iyo malo ka ng’ama paro yo monego oluw.

Ang’o ma Nyalo Konyi Pogo Ber gi Rach?

Na. 1 2024

Gasedni ok usi. Ogoye mondo okony tich ma dhi nyime mar puonjo Muma e piny mangima, kendo tijno itimo kokalo kuom chiwo ma onge achune. Ka diher golo chiwo, dhi e websaitwa mar donate.jw.org. Mana ka onyis e yo machielo, Ndiko duto ogol e Muma Maler —Loko mar Piny Manyien.

GASET mar Ohinga mar Jarito miyo nying Jehova Nyasaye duong’ kaka Jaloch e wi gik moko duto. Ohoyo ji gi wach maber ni Pinyruodh Nyasaye ma locho e polo chiegni tieko gik maricho duto kendo loko piny obed paradiso. Gasedni jiwo yie kuom Yesu Kristo, jal ma ne otho mondo wayud ngima mochwere, kendo olocho sani ka en Ruoth e Pinyruodh Nyasaye. Gasedni osego e dho Kisungu chakre higa mar 1879, kendo ok odonjre gi weche siasa. Omakore chuth gi gima Muma wacho.