Yesu ‘Nopuonjore Luwo Kaka Nyasaye Chike’

Yesu osebedo ka luwo kaka Jehova chike kinde duto. (Joh. 8:29) To kare ang’o momiyo Muma wacho ni “ne opuonjore luwo kaka Nyasaye chiko kokalo kuom chandruoge ma noyudo”?—Hib. 5:8.

Ka ne Yesu nie piny, ne oromo gi chal moko ma dine ok oromogo e polo. Kata obedo ni jonyuolne ne ohero Jehova, pod ne gin joma orem. (Luka 2:51) Jotend din kod joloch mohero mibadhi nosande ahinya. (Mat. 26:59; Mar. 15:15) E wi mano, “nobolore mi noluwo kaka Nyasaye ne chike nyaka e tho,” ma ne en tho malit.—Fil. 2:8.

Gik ma notimorego nopuonjo Yesu luwo chike Nyasaye e yo ma ne pok opuonjore ka ne en polo. Mano nomiyo obedo Ruoth kendo Jadolo Maduong’ ma nyalo kechowa. (Hib. 4:15; 5:9) Jehova nomedo hero Yesu kendo tiyo kode moloyo bang’ ka ne osepuonjore kuom sand ma noyudo. Wan bende Jehova nyalo herowa kendo tiyo kodwa e yore momedore ka wayie luwo kaka ochikowa kata e kinde ma ok yot timo kamano.—Jak. 1:4.