Weche ma Muma Okoro Timore Adier

Muma ok chiw sigana mag gik ma ne otimore chon kende, to bende owuoyo kuom gigo ma dhi timore ndalo mabiro. Dhano ok nyal ng’eyo gik ma biro timore. Mano ema omiyo wang’eyo ni Muma oa kuom Nyasaye. Muma wacho ang’o kuom ndalo mabiro?

Owuoyo kuom lweny maduong’ mar Nyasaye. E lwenyno, Nyasaye biro golo richo duto koda jo maricho, to kata kamano obiro rito jogo matiyone. Yesu Kristo ma Nyasaye oketo kaka ruoth, biro miyo jotich Nyasaye oyud mor kod kuwe, kendo obiro neno ni ok ginibed matuwo kata tho kendo ngang’.

Donge wanyalo bedo mamor ni Nyasaye biro timo piny obed paradis? Kata kamano, nitie gima onego watim ka wadwaro dak e paradisoni. E sigana mogik e bugni wapuonjre gima nyaka watim mondo wayud gweth mabeyo ma Nyasaye osingo ne jogo matiyone. Kuom mano, som KARE mar 8, kendo ifweny gima Muma koro kuom ndalo mabiro.