Piny mar Paradis

Jehova biro golo gik maricho duto ma Satan osetimo. Jehova oseketo Yesu Ruoth mar piny mangima. E loch mare, piny ibiro losi mondo obedi paradis.​—Daniel 7:13, 14; Luka 23:43.

Jehova singonwa gigi:

• CHIEMO MANG’ENY: “Piny osechiek [nochiegi, NW]; Nyasaye, mana Nyasachwa wawegi, nogwedhwa.” “Bel [cham, NW] nobedi mang’eny e piny e wi gode madongo.”​—Zaburi 67:6; 72:16.

• ONGE LWENY KENDO: “Biuru une tije mag Jehova, kaka osejwang’o pinje moko. Omiyo lwenje orumo nyaka giko piny.”​—Zaburi 46:8, 9.

• ONGE JO MARICHO: “Nimar nogol oko jo ma timgi orochore . . . Nimar podi kinde matin, kendo ng’a marach obiro onge: Ee, iniket chunyi kuom paro kar bet mare, kendo obiro onge.”​—Zaburi 37:9, 10.

• 

  ONGE TUO, KUYO, KATA THO: “Eka wang’ muofni noyepi, kendo it jo ma itgi odinore noyaure. Eka ng’ato ma rang’ol nochikre ka ngau, mi duond jamomo nower.”​—Isaya 35:5, 6.

  “Nyasaye owuon nobed kodgi. Kendo Nyasaye noywe pi wang’ duto e wengegi; tho ok nobedie kendo, kata ywak, kata nduru, kata rem ok nobedie, nikech gik machon osekadho.”​—Fweny 21:3, 4.

Jehova ok wach miriambo kaka Satan gi jochiende. Gimoro amora mosingo nyaka timre adier. (Luka 1:36, 37) Jehova oheri kendo odwaro mondo idag e Paradis mobiro loso. Omiyo ne Joneno mag Jehova mondo ipuonjri moko kuom adiera mabeyo mayudore e Wach Nyasaye. Ka itiyo gi adiera e ngimani, ibiro gonyi a kuom miriambo, kwer kod fuwo​—motweyo ji. Bange, nogonyi kuom twech mar richo gi tho, e ndalo mabiro. Mana kaka ne Yesu owacho: “Unung’e adiera, kendo adiera nomiu bedo thuolo.”​—Johana 8:32.