Wanyiso Nade ni Wawinjo Nyasaye?

Nyasaye wuoyo kodwa kokalo kuom Muma. 2 Timotheo 3:16

Nyasaye madier notiyo gi dhano mondo gindik wechene e buk maler. Bugno en Muma. Oting’o weche ma Nyasaye dwaro ni ing’e.

Nyasaye ong’eyo gima nyalo konyowa chuth kendo en e Soko mar rieko duto. Ka iwinjo gima owachoni, to ibiro bedo mariek gadier.—Ngeche 1:5.

Nyasaye dwaro ni ji duto e piny osom Muma. Muma sani yudore e dhok mang’eny.

Kidwaro winjo Nyasaye, nyaka isom kendo iwinj tiend weche manie Muma.

Ji winjo Wachne kuonde duto. Mathayo 28:19

Joneno mag Jehova nyalo konyi mondo ing’e tiend weche manie Muma.

Gipuonjo adiera e wi Nyasaye e piny mangima.

Onge chudo moro midwaro ni igol mondo opuonji. Kendo inyalo puonjori e wi Nyasaye e Od Romo mar Joneno mag Jehova man machiegni kodi.