Nyasaye Madier En Ng’a?

Nitie Nyasaye achiel kende madier, kendo nyinge en Jehova. (Zaburi 83:18) En roho; omiyo ok wanyal nene. Oherowa kendo odwaro ni wan bende wahere. Bende odwaro mondo waher jomoko. (Mathayo 22:35-40) En e Jal Ma Malo Chutho, Jachwech mar gik moko duto.

Chwech ma Nyasaye nokwongo chweyo bende ne en roho ma jateko, ma bang’e ne oluong ni Yesu Kristo. Jehova nochweyo malaike bende.

Jehova nochweyo gik moko duto manie polo . . . koda e piny. Fweny 4:11

Jehova Nyasaye nochweyo sulwe, piny, koda gik moko duto manie iye.—Chakruok 1:1.

Notiyo gi buru mar lowo e chweyo Adam, dhano mokwongo.—Chakruok 2:7.