KARE MAR 5
Ataro Maduong’—Jomage ma ne Owinjo Nyasaye? Jomage ma Notamore Winje?
Thoth joma nodak e kinde Noa ne timo gik maricho. Chakruok 6:5
Adam gi Hawa nonyuolo nyithindo, kendo ji nobedo mang’eny e piny. Bang’ kinde, malaike mamoko noriwore gi Satan e ng’anjo.
Ne gibiro e piny ma giloko dendgi obedo mag chwo mondo omi gikend mon. Mon-go nonyuolo yawuowi ma robede e okang’ mokalo, mager kendo ma roteke.
Piny ne opong’ gi joma ne timo timbe maricho. Muma wacho niya: “Tim maricho mag dhano nogundho e piny, kendo paro duto mar chunye ne rach pile.”
Noa nowinjo Nyasaye, ma ogero yie. Chakruok 6:13, 14, 18, 19, 22
Noa ne en ng’at maber. Jehova nowacho ne Noa ni ne odhi ketho jomaricho gi ataro maduong’.
Kendo Nyasaye nowacho ne Noa ni oger yie maduong’ mondo orwakie joode koda kit le duto.
Noa nosiemo ji ni ataro ne dhi bedoe, to ne gitamore winjo. Jomoko ne nyiero Noa; to moko kuomgi nosin kode.
Kane Noa osetieko gero yie, norwako le ei yie.