Yesu ne En Ng’a?

Jehova nooro Yesu e piny. 1 Johana 4:9

Ka wadwaro moro chuny Jehova, nitie ng’at machielo maduong’ ma bende nyaka wawinj. Chon kapok nochweyo Adam, Jehova nochweyo malaika moro maratego e polo.

Bang’ kinde, Jehova nokawo ngima malaikani ma oketo ei Mariam nyako ma ne pok ong’eyo dichwo, ma onyuole Bethlehem. Ne omi nyathino nying ni Yesu.—Johana 6:38.

Kane en dhano e piny, Yesu nonyiso kido mag Nyasaye e yo makare chuth. Ne ong’won, ne ojahera, kendo ne en ng’ama chopo kuome yot. Nopuonjo jomoko adiera e wi Jehova, maok oluor.

Yesu notimo gik mabeyo, kata kamano ji ne osin kode. 1 Petro 2:21-24

Jotend din ne osin gi Yesu nikech ne oelo ayanga puonjgi mag miriambo koda yoregi maricho.

Yesu nochango joma tuwo bende, kendo nochiero jomotho.

Jotend din nosiayo Jo-Rumi mondo ogo kendo oneg Yesu.