Ohinga mar Jarito LAIBRARI E INTANET
ohinga mar jarito
LAIBRARI E INTANET
Dholuo
  • MUMA
  • BUGE
  • MIKUTANO
  • lfb somo 37 ite mar 90-ite mar 91 par. 1
  • Jehova Owuoyo gi Samuel

Hakuna video yoyote kwa sasa.

Samahani, haikuwezekana kupakia video.

  • Jehova Owuoyo gi Samuel
  • Weche Minyalo Puonjori e Muma
  • Habari Zinazolingana
  • “Nodongo e Nyim Jehova”
    Luw Yie Margi
  • Samuel ne Odhi Nyime Timo Gik Makare
    Puonj Nyithindi
  • Wuowi Matin Tiyo ne Nyasaye
    Buga Moting’o Sigendini mag Muma
  • Luw Yie Margi
    Ohinga mar Jarito ma Lando Wach Pinyruoth (Mar Puonjruok)—2011
Pata Habari Zaidi
Weche Minyalo Puonjori e Muma
lfb somo 37 ite mar 90-ite mar 91 par. 1
Samuel yawo dhoudi mag hema mar lamo

SULA MAR 37

Jehova Owuoyo gi Samuel

Eli ma ne en Jadolo Maduong’ ne nigi yawuoyi ariyo ma ne tiyo kaka jodolo e hema mar lamo. Yawuotego niluongo ni Hofni gi Finehas. Ne ok giluw chike Jehova, kendo ne gitimo ne ji gik maricho. Ka ne Jo-Israel okelo ne Jehova misengni, Hofni gi Finehas ne yiero mana ring’o machwe mondo gicham. Eli nong’eyo maber gima yawuotego ne timo, to ne ok okawo okang’ mar rieyogi. Be Jehova ne dhi yie mondo timbe marichogo odhi nyime?

Kata obedo ni Samuel ne tin ne Hofni gi Finehas, Samuel ne ok oluwo timbegi. Jehova ne mor ahinya gi Samuel. Chieng’ moro gotieno ka ne Samuel nindo, ne owinjo ka ng’ato luonge. Ne ochiewo moringo odhi ir Eli. Nonyiso Eli kama: ‘Asebiro.’ To Eli ne onyise niya: ‘An ok aluongi, dog inindi.’ Samuel ne odok nindo. Ne owinjo ka ng’ato luonge kendo, kata kamano ka ne odok ir Eli, Eli ne owacho ni en ne ok oluonge. Ka ne Samuel owinjo dwolno mar adek mi odok ir Eli, Eli ne ofwenyo ni nyaka bed ni Jehova e ma ne luongo Samuel. Ne onyiso Samuel ni ka owinjo dwolno kendo, to owach niya: “Wuo awuoya Jehova, nikech jatichni winji.”

Samuel nyiso Eli gima Jehova nowacho

Samuel ne odok e nindo. Kae to ne owinjo ka ng’ato luonge kendo niya: ‘Samuel! Samuel!’ Samuel ne odwoko niya: ‘Wuo, jatichni winji.’ Jehova ne onyise kama: ‘Nyis Eli ni adhi kume gi joode duto. Ong’eyo maber ni yawuote timo gik maricho e hema mar lamo, to ong’iyo ang’iya.’ Ka piny ne oru, Samuel noyawo dhoudi mag hema mar lamo mana kaka ne otimoga pile. Ne oluor nyiso Eli gima ne Jehova owacho. Kata kamano, Eli noluonge mopenje niya: ‘Wuoda, ang’o ma Jehova ne onyisi? Nyisa anyisa.’ Samuel ne onyiso Eli weche duto ma ne Jehova owacho.

Kaka Samuel ne medo dongo, Jehova ne odhi nyime konye. Jo-Israel duto te nong’eyo ni Jehova ne oseyiero Samuel mondo obed janabi kendo jang’ad bura.

“Par Jachuechni ka pod in rawera.”​—Eklesiastes 12:1

Penjo: Samuel nopogore nade gi Hofni kod Finehas? En wach mane ma Jehova ne onyiso Samuel?

1 Samuel 2:12-17, 22-26; 3:1-21; 7:6

    Buge mag Dholuo (1993-2025)
    Toka
    Ingia
    • Dholuo
    • Shiriki
    • Kaka Daher
    • Copyright © 2025 Watch Tower Bible and Tract Society of Pennsylvania
    • Chikewa
    • Rito Weche
    • Mpangilio wa Faragha
    • JW.ORG
    • Ingia
    Shiriki