Weche Michakogo Kare mar 4

Kare mar ang’wenni wuoyo e wi Josef, Ayub, Musa, gi Jo-Israel. Giduto ne ginano e tembe mopogore opogore mowuok kuom Jachien. Moko kuomgi ne otimnegi marach kata obedo ni onge gima ne giketho, moko ne otue e jela, moko ne obedo wasumbni, to moko ne otem negi. Kata kamano, Jehova noritogi e yore mopogore opogore. Ka in janyuol, kony nyathini mondo ong’e kaka jotich Jehova miwuoyo kuomgigo nochung’ motegno kata obedo ni ne gichandore kamano.

Jehova nokelo Masiche Apar e piny Misri. Masichego nonyiso kaka ne en gi teko moloyo nyiseche mag Jo-Misri. Jiw kaka Jehova nomiyo joge rit e kinde mokalo, kod kaka otimo mano e kindewagi.