Weche Michakogo Kare mar 7

Kare mar abiriyoni wuoyo e wi gik ma notimore kuom higni 80 kama, e ngima Ruoth Saulo kod Ruoth Daudi. Ka noket Saulo obed ruoth, nokwongo obolore kendo noluoro Jehova, to bang’e nolokore motamore winjo Jehova. Jehova ne odage, mi onyiso Samuel mondo owal Daudi obi obed ruoth bang’ Saulo. Nyiego nomako Saulo, kendo notemo nego Daudi, kata kamano, Daudi ne ok ochulo kuor. Jonathan wuod Saulo nong’eyo ni Jehova nosewalo Daudi mondo obi obed ruoth, omiyo, nomakore kode. Kata obedo ni Daudi notimo richo moko madongo, ne ok otamore rwako siem mowuok kuom Jehova. Ka in janyuol, kony nyathini mondo one gimomiyo dwarore ni wariw lwedo chenro mag Jehova.