Weche Michakogo Kare mar 10

Jehova e Ruodh piny gi polo. En e jaloch e wi gik moko duto, kendo obiro dhi nyime timo kamano nyaka chieng’. Kuom ranyisi, Jehova ne oreso Jeremia ka ne owite e bugo mondo otho. Ne oreso Shadrak, Meshak, gi Abednego ka ne obolgi e mach. Ne oreso Daniel ka ne onyume e bur sibuoche. Ne omiyo Esta rit makende mondo bang’e Esta ores ogandane. Jehova ok bi yie mondo gik maricho odhi nyime nyaka chieng’. Sanamu kod yien maduong’ ma Nebukadnezar noneno e lek miyo wabedo gadier ni Pinyruodh Jehova chiegni tieko gik maricho duto, kendo locho e wi piny.