Weche Michakogo Kare mar 12

Yesu ne opuonjo ji e wi Pinyruodh Nyasaye. Bende, ne opuonjo ji ni gilam ka gikwayo Nyasaye mondo oket nyinge obed maler, omi Pinyruodhe obi, kendo omi dwaro mare otimre e piny. Ka in janyuol, kony nyathini mondo ong’e maler kaka lamono nyalo konyowa. Yesu ne ok oyie mondo Satan opoge gi Nyasaye. Yesu ne oyiero jootene, kendo jootego e ma ne obedo mise mar grup mar joma biro locho kode e Pinyruodhe. Bende, tem konyo nyathini one kinda ma Yesu ne nigo e siro lamo madier. Nikech Yesu ne dwaro konyo jomamoko, ne ochango joma tuo, ne omiyo ji chiemo, kendo nochiero ji. Honni ma ne otimogo duto nyiso gik ma Pinyruodhe biro timo ne dhano e okang’ malach.