Wuoth gi Jehova Pile

1. Wawuothuru gi Jehova,

Ka wabolre gadiera pile.

Mano kakonyiso ng’wono

Ne jogo ma luwo yorene!

Nikech hera mar Jehova

Oyienwa wamak lwete.

Kamano wachiworene;

Ee, wachungi kor Jehova.

2. Kindegi mag mirimb Jachien,

Ka giko pinyni medo sudo,

Waromo gi jo akwede

Ma nyalo miyo wabet maluor.

Jehova ritowa pile;

Wabet machiegni kode

Watine e kinde duto.

Wabedo bute nyaka chieng’.

3. Nyasaye osekonyowa

Gi rohone koda wechene,

Be kuom kanyakla Jokristo,

Wan gadier owinjo lamowa.

Ka wawuotho gi Jehova,

Okonyowa timo ber,

Waketo genowa kuome.

Wawuotho mamuol e wang’e.