WER 57
Land Wach Nyasaye ne Ji Duto
1. Wahero bedo kaka Nyasaye,
Nikech wang’eyo ni ok obuon ji.
Dwarone en ni ji duto ores;
Orwako ji duto gibed joge.
(KORAS)
Kik wang’i kaka gidak;
Kik wang’i kaka gichal.
Wach Nyasachwa wachop ne ji duto.
Nikech wadewo ji te,
Waland kuonde duto ni,
“Ji te obed osiepe Nyasaye.”
2. To kik wadew kama wayude ji,
Kata kaka wayudo ka gichal.
To gima duong’ en kaka chunygi chal,
E wang’ Jehova mano e ma duong’.
(KORAS)
Kik wang’i kaka gidak;
Kik wang’i kaka gichal.
Wach Nyasachwa wachop ne ji duto.
Nikech wadewo ji te,
Waland kuonde duto ni,
“Ji te obed osiepe Nyasaye.”
3. Jehova koro gwelo ji duto
Mondo giyier giwe yore mag piny.
Mani en wach ma wasepuonjore,
Koro waland ne ji kuonde duto.
(KORAS)
Kik wang’i kaka gidak;
Kik wang’i kaka gichal.
Wach Nyasachwa wachop ne ji duto.
Nikech wadewo ji te,
Waland kuonde duto ni,
“Ji te obed osiepe Nyasaye.”
(Ne bende Joh. 12:32; Tich 10:34; 1 Tim. 4:10; Tito 2:11.)