WER 75
“An Ka; Ora”
1. Ndalogi ji chayo nyinge,
Nyingno maler mar Nyasaye,
Giriambo ni Nyasaye ger,
Gikok ni, ‘Nyasaye onge!’
En ng’a ma biro yie pwodhe
En ng’a ma wer ne ji pakne?
(KORAS 1)
‘A Ruoth an ka; ora adhi,
Adhi apak nyingi maler.
En gueth maduong’ mar pako nyingi.
Ruoth ora mondo adhi.’
2. Giwacho Nyasaye deko;
Gi kia miye luor modwaro,
Gilamo gik mopa maket,
Kaisari be gilamo.
En ng’a ma biro chiwo siem
Ni lwenj Har–Magedon chiegni?
(KORAS MAR 2)
‘A Ruoth an ka; ora adhi,
Achiw siemno ma ok aluor.
En gueth maduong’ mar pako nyingi.
Ruoth ora mondo adhi.’
3. Ndalogi joma muol to ywak,
Richo mag pinyni medore.
Gimanyo gi chunygi duto
Adier ma wuok kuom Nyasaye.
En ng’a ma biro hoyogi?
En ng’a ma biro puonjogi?
(KORAS MAR 3)
‘A Ruoth an ka; ora adhi,
Apuonjgi gi horuok duto.
En gueth maduong’ mar pako nyingi.
Ruoth ora mondo adhi.’
(Ne bende Zab. 10:4; Eze. 9:4.)