WER 141
Ngima En Hono
1. Nyathi ma pod yom kata koth ma chue,
Chieng’ ma chiwo ler e piny ma nyago cham,
Michgo duto te, Nyasaye chiwo.
Hono mage e ma rito chuechne pile.
(KORAS)
Koro watim ang’o gi michno maber?
Waher Jal mochiwe kendo wagene gadier.
Kata watim ang’o, tek mondo wang’iewe.
Ngima en mich maber—Ee, ngima en hono.
2. Jomoko nyosre, kendo chunygi ol,
Giwacho ka chi Ayub: ‘Yanye itho.’
Ok wawach mano. Wapak Jehova,
Wagoyone erokamano kuom ngima.
(KORAS)
Koro watim ang’o gi michno maber?
Waher ji duto te kendo wadewgi gadier.
Kata watim ang’o, tek mondo wang’iewe.
Ngima en mich maber—Ee, ngima en hono.
(Ne bende Ayub 2:9; Zab. 34:12; Ekl. 8:15; Mat. 22:37-40; Rumi 6:23.)