Barua Mowuok Kuom Bura Matayo

Ne un muhero Jehova Nyasaye kod Wachne ma en Muma:

Yesu nowacho niya: “Ubiro ng’eyo adiera, mi adiera noketu thuolo.” (Johana 8:32) Par ane kaka ne iwinjo ka ne ipuonjori adiera manie Muma! Nyaka bed ni ne imor ahinya ng’eyo ni pod ng’ato nyalo yudo adiera e piny mopong’ gi miriamboni.​—2 Timotheo 3:1.

Jehova Nyasaye dwaro ni wang’e adiera. To nikech wahero ji, wan bende wadwaro ni wanyisgi adiera. Kata kamano, tiyo ne Jehova oriwo gik mang’eny. Nyaka watem matek mondo wadag kaka Jokristo nikech wachiwo luor ne puonj mag Jehova. Yesu noleronwa yo maduong’ ma wanyalo nyisogo ni wahero Nyasaye. Nowacho kama: “Kurito chikena, ubiro siko e herana, mana kaka aserito chike Wuora kendo asiko e herane.”​—Johana 15:10.

Yesu ohero Wuon-gi ahinya kendo otimo gimoro amora ma Wuon-gi onyise. Ka waluwo ranyisi mar Yesu, Jehova biro herowa kendo wabiro bedo gi mor madier. Yesu nowacho niya: “Kung’eyo wechegi, un jo mamor ka utimogi.”​—Johana 13:17.

Wageno ni bugni biro konyi tiyo gi puonj mag Muma e ngimani kendo konyi bedo osiep Nyasaye. Wagombo ni idhi nyime hero Nyasaye kendo isik e ‘herane ka in gi geno mar ngima ma nyaka chieng’.’​—Juda 21.