LOKO JI OBED JOPUONJRE
SULA MAR 12
Wach Weche Ayanga
Puonj: “Osiep ma rieyi koa e chunye chalo gi mo kod ubani ma miyo chuny bedo mamor.”—Nge. 27:9.
Gima Yesu Notimo
1. Ne VIDIO, kata isom Mariko 10:17-22. Bang’ mano, non penjo ma luwogi:
Gin kido mage mabeyo ma nyalo bedo ni Yesu noneno kuom rawera ma jamwanduno?
Ang’o momiyo ne dwarore ni Yesu obed gi hera kod chir mondo orie rawerano?
Ang’o ma Wapuonjore Kuom Yesu?
2. Mondo wakony jopuonjrewa otim dongruok, onego wawachnegi weche ayanga ka watimo kamano e yor hera.
Luw Ranyisi mar Yesu
3. Kony japuonjreni mondo obed gi gik modwaro timo kendo otem matek mondo ochopgi.
Ti gi kama wacho ni “Gima Inyalo Timo” manie sula ka sula mar bug Inyalo Dak gi Mor Nyaka Chieng’!
Kony japuonjreni mondo ong’e okenge monego okaw mondo ochop chenroge, bed ni gin chenro ma kawo kinde machuok kata malach.
Pwo japuonjreni sa asaya motimo dongruok.
4. Ng’e gik ma nyalo mono japuonjreni timo dongruok kendo ikonye ng’eyo kaka onyalo loyo gigo.
Penjri kama:
‘Ka po ni japuonjrena ok tim dongruok mondo ochop e batiso, ang’o ma mone timo kamano?’
‘Ere kaka anyalo konye?’
Lem mondo iyud chir mar nyiso japuonjreni achiel kachiel gima onego otim.
5. Ng’ad puonjruok gi joma ok tim dongruok.
Mondo ing’e ka be puonjruok maru dhi maber, inyalo penjri niya:
‘Be japuonjrena tiyo gi gik ma opuonjore?’
‘Be odhi e chokruoge mag kanyakla kendo lendo ne jomamoko?’
‘Bang’ puonjruok kuom kinde, be odwaro bedo achiel kuom Joneno mag Jehova?’
Ka po ni japuonjreni ok oikore timo dongruok, inyalo timo kama:
Kwaye mondo opar matut gima mone timo dongruok.
Nyise e yo mang’won gimomiyo idwaro weyo puonjori kode.
Nyise dongruok monego otim ka pok uchako puonjoru kendo.