WACH MA NG’E GASET WUOYOE: ANG’O MWAPUONJORE KUOM MUSA?
Musa Ne En Ng’a?
Ang’o mabiro e pachi kiwinjo nying Musa? Be gima biro e pachi en . . .
nyathi ma min mare ne opando e okapu e Aora Nile?
wuoyi ma ne nyar Farao opidho e ngima mayom e piny Misri—to ne wiye ok owil ni en Ja-Israel?
ng’at ma ne en jakwath kuom higni 40 e piny Midian?
ng’at ma ne owuoyo gi Jehovaa e bungu ma ne liel mach?
ng’at ma ne odhi e nyim ruodh Misri kokwayo gi chir mondo ogony Jo-Israel a e twech?
ng’at ma ne Nyasaye otiyogo e hulo Masiche Apar kuom Jo-Misri kane ruodhgi otamore winjo Nyasaye madier?
ng’at ma ne otayo Jo-Israel wuok e piny Misri?
ng’at ma ne otigo e pogo Nam Makwar?
ng’at ma ne omiyo Jo-Israel Chike Apar mowuok kuom Nyasaye?
MAGI kaachiel gi mamoko ne otimore e ngima Musa. Kare e momiyo Jokristo, Jo-Yahudi, koda Jo-Islam miye luor!
Onge kiawa ni Musa ne en janabi ma nonyiso ni en gi ‘duong’’ ahinya. (Rapar mar Chik 34:10-12) Noyie mondo Nyasaye oti kode e yo maduong’. Kata kamano, Musa ne en mana dhano kaka wan. Mana kaka janabi Elija ma ne onenore e fweny kaachiel gi Musa kinde ma Yesu ne ni e piny, Musa “ne en dhano machalo kodwa gi kite.” (Jakobo 5:17; Mathayo 17:1-9) Musa noyudo chandruoge mang’eny ma tinde waromogo, kendo noloyogi.
Be diher ng’eyo kaka nonyagore gi chandruogego? We wanon ane kido moko adek mabeyo ma ne Musa onyiso kod gik mwanyalo puonjore kuom ranyisi ma noketo
a Muma nyiso ni Jehova e nying Nyasaye.