DWOKO PENJO MAG MUMA
Yesu biro timo ang’o kinde ma biro?
Yesu ne otho e higa mar 33 E Ndalowa, ne ochier, kendo ne odhi e polo. Bang’ kinde malach, nomiye teko mar locho kaka Ruoth. (Daniel 7:13, 14) E kinde ma biro, Yesu biro tiyo gi migawone kaka Ruoth mondo okel kuwe e piny kendo otiek dhier duto.—Som Zaburi 72:7, 8, 13.
Ka en Ruoth, Yesu biro golo chuth gik ma ok kare e piny
Kinde ma Yesu nobed Ruoth e wi piny, notim gik mabeyo nyowuoyo. Obiro tiyo gi teko ma Wuon mare omiye mondo oket dhano obed makare chuth. Dhano biro dak e piny ka gimor maok gibed moti kata tho.—Som Johana 5:26-29; 1 Jo Korintho 15:25, 26.
Ang’o ma Yesu timo gie sani?
E kindegi Yesu chiko tij lando wach maber ma jolupne madier timo e piny ngima. Gilimo ji ka ginyisogi gima Pinyruodh Nyasaye timo. Yesu nowacho ni ne odhi konyo jolupne e tich ma ne gidhi timo nyaka chop kinde ma Pinyruodh Nyasaye notiekie loch mag dhano.—Mathayo 24:14; 28:19, 20.
Yesu tiyo gi kanyakla mar Jokristo madier e konyo ji odag e ngima maber. Obiro dhi nyime tayogi nyaka chop kama ikethoe piny marachni kendo obiro tayogi mi gidonj e piny manyien ma Nyasaye osingo.—Som 2 Petro 3:7, 13; Fweny 7:17.