Nying Nyasaye (kama obuk) kaka ne ondike e kitepe machon mag Muma
Ang’o Ma Muma Wacho?
Be Nyasaye nigi nyinge?
JOMOKO WACHO NI oonge gi nying, moko wacho ni nyinge en Nyasaye kata Ruoth, jomoko to wacho ni en gi nyinge mathoth. In to ineno nade wachno?
GIMA MUMA WACHO
“In, ma nyingi Jehova, In kendi e ng’a Ma Malo Chutho e piny ngima.”—Zaburi 83:18.
WECHE MAMOKO MA MUMA PUONJOWA GIN MAGE?
Kata obedo ni Nyasaye ni kod nyinge mathoth mipakego, en mana gi nying achiel momiyore en owuon.—Wuok 3:15.
Nyasaye ok en aena ng’at ma ok wanyal ng’eyo, odwaro ni mondo wang’eye.—Tich Joote 17:27.
Okang’ mokwongo ma nyalo konyowa bedo osiepe Nyasaye en ng’eyo nyinge.—Jakobo 4:8.
Be en richo luongo nying Nyasaye?
INYALO DWOKO NADE?
Ee
Ooyo
Luwore
GIMA MUMA WACHO
‘Kik iwach nying Jehova Nyasachi kayiem nono.’ (Wuok 20:7) Gima rach en tiyo gi nying Nyasaye e yo ma ok nyis luor.—Yeremia 29:9.
WECHE MAMOKO MA MUMA PUONJOWA GIN MAGE?
Yesu nong’eyo nying Nyasaye kendo notiyo gi nyingno.—Johana 17:25, 26.
Nyasaye dwaro ni mondo waluonge gi nyinge. —Zaburi 105:1.
Wasik Nyasaye temo miyo wi ji owil gi nyinge.—Yeremia 23:27.