Gima Wanyalo Wacho Kuom Gasedewa

Ohinga mar Jarito Nov. 15

“Nikech timbe mag mibadhi ng’eny ahinya e piny, jomoko nyalo penjore ni ‘Ere tiende kedo matek ahinya mondo omi atim gik makare?’ Be isebedo gi paro ma kamano? [Rit dwoko.] Ne ane wechegi manyalo jiwowa. [Som Ngeche 2:21, 22.] Gasedni lero gima duong’ momiyo onego wabed joma tir.”

Amkeni! Nov.

“Jomoko neno ni Nyasaye ema miyo gik moko duto timore. Ka masira otimore, giwacho ni nyaka bed ni nitie gima omiyo Nyasaye okelo masirano. In ineno wachno nade? [Rit dwoko. Bang’e to isom Jakobo 1:13.] Gasedni nyiso kaka Muma wacho kuom gino makelo chandruok, kod gima Nyasaye timo mondo omi otiek chandruok.”

Ohinga mar Jarito Des. 1

“Be iparo ni wachni ma ne okor e Muma timore ndalogi? [Som Mathayo 24:11. Bang’ mano, rit dwoko.] Gasedni wuoyo kuom puonj moko ma ose nya ahinya. Bende onyiso kaka wanyalo tang’ mondo kik wuondwa gi jopuonj ma miriambo.”

Amkeni! Des.

“En jal mane minyalo wacho ni humbe duong’ moloyo ji duto mosedak e piny? [Rit dwoko.] Ji mang’eny neno ni Yesu e jal ma humbe ne duong’ moloyo ji duto. Ne ane gima Yesu biro timo ne piny kaka Jaloch mar Pinyruodh Nyasaye. [Nyise picha mayudore e ite mag 8 kod 9, kae to isom achiel kuom ndiko moket kanyo.] Gasedni nyiso kaka Yesu biro timo mano, kendo kinde ma notimie mano.”