Gima Wanyalo Wacho Kuom Gasedewa

Ohinga mar Jarito Jan. 15

“Ineno nade, jogo ma okendore nyalo yudo kanye puonj makonyo? [Rit dwoko.] Ne e ndikoni ng’at ma ne ochako wach mar kend. [Som Chakruok 2:22.] Nyasaye bende ne ochiwo chike manyiso migawo ma dichwo kod dhako nigo e kend. Gasedni lero wachno.”

Amkeni! Jan.

“Be iseneno ni joma ng’eny maluongore ni Jokristo ok luw puonj mag Yesu? [Rit dwoko.] Kuom ranyisi, ng’eny jogo ok luw weche Yesu mayudore e ndikoni. [Som Johana 13:35.] Gasedni wuoyo kuom pogruok mantie e kind gima Yesu ne opuonjo kod paro ma ng’eny jogo mawacho ni gin Jokristo nigo.” Wuo kuom weche machakore e ite mar 18.

Ohinga mar Jarito Feb. 1

“Ineno nade, be kuonde ma wadakie nyalo bedo maber ka ji duto luwo weche ma ondiki kae? [Som Jo Efeso 4:25. Kae to irit dwoko.] Ji mang’eny paro ni nitie kinde ma wacho miriambo ok bed gima rach ahinya. Gasedni lero ber mayudore kuom wacho adiera kinde duto.”

Amkeni! Feb.

“Nenore ni paro ma ji nigo kuom din lokore kuonde moko. Ineno nade, be mano nyiso ni kanise sani ok yud luor ma ji ne miyogi chon? [Rit dwoko.] Wechegi ma jaote Paulo ne ondiko nyiso gimomiyo jomoko oseweyo keto genogi kuom din. [Som Tich Joote 20:29, 30.] Gasedni nyiso gima Muma wacho kuom gima biro timore ne din mar Jokristo.”