Gima Wanyalo Wacho Kuom Gasedewa

Ohinga mar Jarito Okt. 1

“Joma olony fwenyo ni wuoro nigi ting’ maduong’ ahinya e ngima joot. Iparo ni ang’o mamiyo ng’ato bedo wuoro maber? [Rit dwoko.] Yesu nojiwo kaka ranyisi mar Wuon-gi nokonye. [Som Joh 5:19.] Gasedni nyiso malong’o weche auchiel motenore gi ting’ ma wuoro nigo.” Nyis wiye mayudore e ite mar 18.

Amkeni! Okt.

“Ji mawuok e dinde mopogore opogore nigi paro mopogore opogore kuom kaka Nyasaye chal. To Wuod Nyasaye nolero nade kaka Wuon mare chalo? Ne ane weche ma ne Yesu owacho e Johana 4:24. [Som.] E ite ariyo kende, gasedni nyiso gima Muma wacho kuom penjoni, “Nyasaye en ng’ama chalo nade?” Nyis sula mayudore e ite mag  24 kod 25.

Ohinga mar Jarito Nov. 1

“Puonj mar ni nitie sand manyaka chieng’, chocho ji mathoth ma nigi yie ni Nyasaye en jahera. In to ineno nade? [Rit dwoko.] Muma nyiso malong’o ni Nyasaye ok mon gi ji. [Som Ezekiel 18:23.] Ibiro neno yo ma Ndiko lerogo wachni kaka onyis e gasedni.”

Amkeni! Nov.

“Ji thoro wacho ni ng’ama dhi maber e ngima en ng’at ma nigi huma, hawi, kata gi teko. Inyalo lero nade tiend dhi maber e ngima? [Rit dwoko.] Ne ane gima Muma wacho ni miyo ng’ato dhi maber e ngima. [Som Zaburi 1:1-3.] Gasedni wuoyo kuom weche auchiel manyalo miyo ng’ato odhi maber e ngima.” Wuo kuom sula machakore e ite mar 6.